حسن ابدال لاری اڈے پر گدا گروں کا اجلاس،  راولپنڈی اسلام آباد کے گداگروں نے بھیک مانگنے کے علاقوں اور ایام کاتعین کرلیا، خلاف ورزی پر جرمانوں کا فیصلہ 

اسلام آباد (علی اختر) راولپنڈی اسلام آباد کے گداگروں نے بھیک مانگنے کے علاقوں اور ایام کاتعین کرلیا،خلاف ورزی  کرنے والے گداگر پر جرمانہ بھی  کیا جائے گا۔راولپنڈی اور گردونواح کے گداگر آج حسن ابدال میں "ڈیوٹی" دیں گے ۔

اس سلسلہ میں صبح صبح حسن ابدال لاری اڈے پر گدا گروں کا اجلاس ہوا جس میں ڈیوٹی پوائنٹس  طے کئے گئے۔ایک گداگر کا کہنا تھا کہ ہم صرف جمرات کے دن حسن ابدال شہر میں آتے ہیں صبح سے شام تک بڑی مشکل سے 2800 سو یا تین ہزار روپے اکھٹے ہوتے ہیں۔

واضح رہے کہ جڑواں شہروں کے زیادہ تر گداگروں کی آمدن ایک لاکھ روپے ماہانہ سے زیادہ ہے۔