بنوں؛پولیس گاڑی کے قریب دھماکہ
بنوں(ڈیلی پاکستان آن لائن) تھانہ صدر کی حدود میں ڈی آئی خان روڈ پر پولیس گاڑی کے قریب دھماکہ ہو گیا،دھماکے میں ایک بچہ زخمی ہو گیا۔
نجی ٹی وی 24نیوز کے مطابق پولیس کا کہنا ہے کہ دھماکہ خیز مواد سڑک کنارے نصب کیا گیا تھا،دھماکہ میں پولیس اہلکار محفوظ رہے جبکہ گاڑی کو جزوی نقصان پہنچا،دھماکہ کی آواز دور دور تک سنی گئی جس کے بعد علاقے میں خوف وہراس پھیل گیا۔ پولیس نے علاقہ کو گھیرے میں لیکرسرچ آپریشن شروع کر دیا۔
