چوری، ڈکیتی کی وارداتیں، شہری لاکھوں روپے، گاڑیوں، دیگر سامان سے محروم 

                                                            لاہور(کر ائم رپو رٹر)شہر میں چوری و ڈکیتی کی متعدد وارداتوں میں شہریوں سے لاکھوں روپے زیورات موبائل فونز موٹرسائیکلوں اور گاڑیوں سمیت دیگر سامان لوٹ لیا گیا۔تفصیلات کے مطابق فیکٹری ایریا میں اختر سے 1 لاکھ 40ہزار روپے اور موبائل فون، مانگامنڈی میں اشرف سے 1 لاکھ 35ہزار روپے اور موبائل فون، نیوانارکلی میں واجد سے 1 لاکھ 25 ہزار روپے اور موبائل فون،لاری اڈہ میں نواز سے 1لاکھ20ہزار روپے اور موبائل فون،گارڈن ٹاون میں محسن سے1لاکھ 10ہزار روپے موبائل فون اور دیگر سامان لوٹ لیا گیا.اچھرہ اور گرین ٹاون سے گاڑیاں جبکہ مزنگ نولکھا اور مصطفی ٹاون سے موٹرسائیکلیں چوری ہو گئیں۔