ملٹری عدالت سے سزائیں، سپریم کورٹ کے فیصلہ پر عملدرآمد میں تاخیر پر عدالت برہم 

                                                             لاہور (نامہ نگار خصوصی)چیف جسٹس لاہور ہائیکورٹ عالیہ نیلم کی سربراہی میں دو رکنی بینچ نے ملٹری عدالت سے سزاوئں کے خلاف اپیل کا حق دینے سے متعلق عدالتی حکم پر عمل درآمد کے معاملے پر وفاقی کابینہ کو دس دن کی مہلت دیدی،عدالت نے سپریم کورٹ کے فیصلے پر عمل درا ٓمد میں تاخیر پر شدید برہمی کا اظہار کرتے ہوئے کہا اب تک وہ لائن کیوں نہیں پڑھی جس پر عمل درآمد کا کہا گیا تھا؟ 45 دن گزر چکے ہیں، ابھی تک عمل درآمد کیوں نہیں ہوا؟ وفاقی سیکرٹری قانون راجہ نعیم اختر نے موقف اپنایا کہ عدالتی فیصلے پر عمل درآمد کیلئے معاملہ وفاقی کابینہ کے سامنے پیش کیا جا رہا ہے اور جلد ہی اس پر فیصلہ ہو جائے گا،ایڈیشنل اٹارنی جنرل مرزا نصر نے  استدعا کی کہ درخواست کی کہ عمل درآمد کیلئے مزید وقت دیا جائے، دوران سماعت اپیل میں موقف اختیار کیا گیا کہ ملٹری عدالت نے جاسوسی کے الزام میں راحب محبوب کو 12 سال قید کی سزا سنائی، لیکن سزا سے قبل الزامات کی فہرست پیش نہیں کی گئی جو کہ قانونی طور پر ضروری ہے۔

ملٹری عدالت