قطر سے درآمدی ایل این جی کارگوزکی تعدادکم کرنیکی تجویز زیر غور

 اسلام آباد(مانیٹرنگ ڈیسک)حکام پیٹرولیم ڈویژن کے مطابق حکومت قطر سے درآمدی ایل این جی کارگوز کی تعداد کم کر کے باقی آئندہ 5 سالوں تک مؤخر کرنے کیلئے کام کر رہی ہے۔ قومی اسمبلی قائمہ کمیٹی پیٹرولیم کا مصطفی محمود کی زیر صدارت ان کیمرہ اجلاس ہوا۔اجلاس میں وزیر پیٹرولیم علی پرویز ملک بھی شریک ہوئے۔ پیٹرولیم ڈویژن کی جانب سے قطر سے ایل این جی معاہدوں پر بریفنگ دی گئی۔ذرائع کے مطابق حکام پیٹرولیم ڈویژن نے بتایا قطر سے دو معاہدوں کے تحت سالانہ 108 ایل این جی کارگوز درآمد کے معاہدے ہیں۔ ذرائع کے مطابق ایل این جی درآمد میں کمی سے متعلق قطر کو تحریری طور پردرخواست کی جائیگی۔ ملک میں ایل این جی کھپت بڑھانے کیلئے گھریلو صارفین کو ایل این جی دی جائیگی۔حکام پیٹرولیم ڈویژن نے بتایا قطر سے دو معاہدوں کے تحت 108 ایل جی کارگوز کے معاہدے ہیں، سالانہ کتنے کارگوز مؤخر کرنے ہیں ابھی حتمی فیصلہ نہیں کیا گیا۔کمیٹی کو بتایا گیا ایل این جی کھپت کم ہونے کی بڑی وجہ پاور سیکٹر کی طلب میں کمی بھی ہے، قائمہ کمیٹی کو گیس سیکٹر کے گردشی قرض پر بھی بریفنگ دی گئی۔

تجویز زیر غور