پاکستان،قطر کا دوطرفہ تعلقات،مختلف شعبوں میں تعاون بڑھانے کاعزم
اسلام آباد (این این آئی) پاکستان اور قطر نے دوطرفہ تعلقات کو مزید مضبوط بنانے اور مختلف شعبوں میں تعاون بڑھانے کے عزم کا اعادہ کیا ہے جبکہ قطری سفیر علی عیسیٰ الخاطر نے پاکستانی ہنرمندوں کی تعداد میں اضافے کی خواہش کا اظہار کرتے ہوئے کہا ہنرمندوں کی مانگ بڑھ رہی ہے۔تفصیلات کے مطابق وفاقی وزیر برائے آبی وسائل محمد معین وٹو نے پاکستان میں قطر کے سفیر علی مبارک علی عیسیٰ الخاطر سے ملاقات کی۔ملاقات میں گفتگو کرتے ہوئے وزیر معین وٹو نے حالیہ اسرائیلی حملے پر قطر سے اظہارِ افسوس کیا اور حکومت و عوام پاکستان کی جانب سے قطری عوام کی سلامتی اور خوش حالی کے لیے نیک خواہشات کا اظہار کیا۔وفاقی وزیر نے کہا کہ پاکستان اور قطر کے عوام کے درمیان محبت اور احترام کا گہرا رشتہ موجود ہے۔معین وٹو نے یورپی ممالک کی جانب سے فلسطین کو تسلیم کرنے کے فیصلے کا خیرمقدم کرتے ہوئے اسے خطے میں انصاف اور امن کی جانب اہم قدم قرار دیا۔انہوں نے مسلم ممالک کے ساتھ پاکستان کی غیر متزلزل حمایت اور امت مسلمہ کے اتحاد کے لیے کوششوں کو بھی اجاگر کیا۔
پاکستان،قطر
