تھرپارکر : گرمی کی شدت سے مزید 12 مور ہلاک

تھرپارکر (ڈیلی پاکستان آن لائن )تھرپارکر میں گرمی کی شدت سے مزید 12 مور ہلاک ہوگئے۔
نجی ٹی وی جیونیوز نے علاقہ مکینوں کے حوالے سے بتایا کہ ان دنوں تھرپارکر میں شدید گرمی پڑ رہی ہے جس کے باعث مور ہلاک ہورہے ہیں۔علاقہ مکینوں نے بتایا کہ مور نگرپارکر کے دیہات اجروئی، مگھن ساند، نیباڑو اور بھراو میں ہلاک ہوئے جبکہ گرمی کی شدت سے 8 دنوں میں ہلاک موروں کی تعداد 112 ہوگئی ہے۔
اس حوالے سے ڈپٹی ڈائریکٹر پولٹری نے بتایا کہ تحصیل مٹھی کے 4 دیہات میں ٹیم نے وزٹ کیا ہے، علاقہ مکینوں کو موروں کو پانی میں پاو¿ڈر نما ادویات دینے کا کہا گیا ہے۔
ڈپٹی ڈائریکٹر پولٹری نے کہا کہ مور پانی کی کمی اور گرمی کی شدت سے بیمار پڑجاتے ہیں جبکہ ہماری ٹیم محکمہ وائلڈ لائف کی ہدایات کے مطابق فیلڈ میں کام کرتی ہے۔