مشہور شخصیت نے فٹبالر علیشا لیہمن کو ایک رات کے لیے بھاری رقم کی پیشکش کر دی

لندن (ڈیلی پاکستان آن لائن) سوئٹزر لینڈ سے تعلق رکھنے والی خوبرو فٹبالر علیشا لیہمن نے  انکشاف کیا ہے کہ ایک "بین الاقوامی سطح پر مشہور" شخصیت نے انہیں ایک رات کے لیے تقریباً ایک لاکھ سوئس فرانک (90,121 پاؤنڈ) کی پیشکش کی تھی۔علیشا جو پہلے انگلش ویمنز سوپر لیگ کی ٹیم ایسٹن ولا کے لیے کھیلتی تھیں اب یوونٹس ویمن ٹیم کا حصہ ہیں۔ انہوں نے  نہ صرف میدان میں اپنی صلاحیتوں سے بلکہ اپنی ماڈلنگ اور انفلوئنسر کے طور پر بھی شہرت حاصل کی ہے۔۔ ان کے انسٹاگرام پر 16.8 ملین سے زیادہ فالوورز ہیں۔

انہوں نے جرمن پوڈکاسٹر شیرین ڈیوڈ سے بات کرتے ہوئے کہا ’’مجھے پیغام ملا جس میں لکھا تھا ’میں علیشا کو ایک رات کے لیے  ایک لاکھ سوئس فرانک دینے کو تیار ہوں۔‘ علیشا نے مزید کہا ’ظاہر ہے  میں نے جواب نہیں دیا۔ یہ پاگل پن تھا۔ پیغام کسی بہت مشہور شخصیت کی طرف سے آیا تھا، جس سے میری ملاقات ایک ایونٹ میں ہوئی تھی لیکن میں اسے ذاتی طور پر نہیں جانتی ۔‘

پوڈکاسٹ کی میزبان نے مشہور شخصیت کا نام جاننے کی کوشش کی لیکن علیشا نے کہا ’’میں ان کا نام ظاہر نہیں کر سکتی، لیکن وہ بین الاقوامی سطح پر بہت مشہور ہیں۔‘‘

ڈیلی سٹار کے مطابق علیشا لیہمن اکثر مرد اور خواتین کھلاڑیوں کی تنخواہوں میں فرق پر تنقید کرتی ہیں۔ انہوں نے اپنے پارٹنر ڈگلس لوئز جو ایسٹن ولا کے لیے کھیلتے تھے اور اب یوونٹس کا حصہ ہیں، سے گفتگو کے دوران اس مسئلے کا ذکر کیا۔ علیشا نے کہا ’’ہم ایک ہی کام کرتے ہیں لیکن اسے مجھ سے سو گنا زیادہ تنخواہ ملتی ہے۔ یہ ناانصافی ہے اور خاتون  ہونے کی وجہ سے یہ چیز مجھے متاثر کرتی ہے۔‘‘