ستاروں کی روشنی میں آپ کا آج (جمعے) کا دن کیسا رہے گا ؟

برج حمل ، سیارہ مریخ، 21 مارچ سے 20 اپریل 
آپ کی جو رکاوٹ دردسر بنی ہوئی ہے۔ وہ اب بالکل ختم ہونے کی قریب ہے جو لوگ برسوں سے بندش وغیرہ میں تھے وہ اب اس سے آزاد ہونے کے ساتھ بہتری بھی لے سکیں گے۔

 برج ثور، سیارہ زہرہ، 21 اپریل سے 20 مئی 
 اگر قسمت موقع دے رہی ہے تو اس کا پورا فائدہ اٹھالیں۔ اس طرح کے حالات بار بار نہیں ملنے اور کچھ مخالفین نے بھی برسوں آپ کو پابند کر رکھا تھا اب اس بندش سے آزاد ہو رہے ہیں۔

برج جوزہ، سیارہ عطارد، 21 مئی سے 20 جون
جو بھی معاملے خراب ہو گئے ہیں اب ان کو ٹھیک کرنے کا وقت ہے۔ آپ تھوڑی سی ہمت دکھائیں اور اپنے کردار کو ادا کرنے کی کوشش کریں تاکہ دوسروں کو آپ کی اہمیت کا احساس ہو۔

برج سرطان، سیارہ چاند، 21 جون سے 20 جولائی
 آپ کی آج ایک مشکل حل ہو سکتی ہے ، انشاءاللہ جو لوگ دنوں سے بیماری یا بدنظری میں تھے آج وہ اس سے نکلنے والی پوزیشن میں آ گئے ہیں ، آج کا دن مالی حوالے سے بھی اچھا ہے۔

برج اسد، سیارہ شمس، 21 جولائی سے 21 اگست
 آپ ایک بار جو فیصلہ کرلیں، پھر سختی سے اس پر قائم بھی رہیں اور کوشش کریں کہ جو کام بھی کریں کسی کو اس کی اس وقت تک خبر نہ ہو جب تک کام نہ ہو جائے۔

برج سنبلہ ، سیارہ عطارد، 22 اگست سے 22 ستمبر.
 آپ کیوں کسی دوسرے کے ساتھ بلاوجہ کشیدگی والی فضا بنائے ہوئے ہیں۔ اپنے اندر سے غصہ نکال دیں اور سب کو معاف کر دیں ، آپ کے راستے اللہ کھول دیں گے۔

برج میزان ، سیارہ زہرہ، 23 ستمبر سے 22 اکتوبر
 ایک دشمن بنا ہوا ہے جو اندرون خانہ چالیں چلنے کی بروقت کوشش میں رہتا ہے۔ آج اس سے بچ کر چلنا ہے۔ آپ صرف سورئہ الناس سوئہ فلک صبح و شام پڑھیں اپنا صدقہ بھی دیں۔

برج عقرب ، سیارہ مریخ، 23 اکتوبر سے 22 نومبر
 آپ ان دنوں لگتا ہے زندگی کے اہم موڑ پر ہیں۔آپ کو چاہیے کہ جو فیصلہ کریں سوچ سمجھ کر کریں، اگر ضرورت محسوس ہو تو استخارہ کرلیں تاکہ آگے پریشان نہ ہو۔

برج قوس ، سیارہ مشتری، 23 نومبر سے 20 دسمبر
 عشق و محبت میں کچھ نہیں رکھا۔ آپ کو ناکامی ملے گی اور جو صرف دل لگی کے چکروں میں ہیں وہ کسی بڑی مصیبت میں آ سکتے ہیں۔ خیال کریں، خون کا استعمال خیال سے کریں۔

برج جدی ، سیارہ زحل، 21 دسمبر سے 19 جنوری 
 آپ کی جو ایک بڑی مشکل تھی انشاءاللہ وہ آج حل ہو جائے گی اور جو راستہ کبھی بند تھا وہ بھی دوبارہ کھلتا ہوا محسوس ہوگا، بہرحال کوئی بڑ اکام ہونے والا ہے۔

برج دلو ، سیارہ زحل، 20 جنوری سے 18 فروری 
 جو لوگ کسی بھی ایسے کام میں ہاتھ ڈالیں گے جس میں وہ انجان ہیں تو خیال کریں، نقصان ہو سکتا ہے۔ شراکت داری نہیں کرنی اور نہ ہی آج سرمایہ کاری ،اگر نقصان نہیں چاہتے تو۔

 برج حوت ، سیارہ مشتری، 19 فروری سے 20 مارچ
تبدیلی والا سلسلہ اب چل پڑا ہے۔ آپ کو چوکنا رہنا ہوگا، انشاءاللہ اس میں آپ کے لئے کافی کچھ ہے، اگر مناسب وقت پر قدم اٹھا لیا تو بڑا فائدہ حاصل ہو جائے گا۔