راولپنڈی: گیس پائپ لائن میں آتشزدگی، گلی میں نالے کے اند ر لیکیج تھی

راولپنڈی ( ڈیلی پاکستان آن لائن ) راولپنڈی کے علاقے شکریال میں گیس پائپ لائن میں لگنے والی آگ پر بروقت قابو پالیا گیا۔
ریسکیو حکام کے مطابق آگ لگنے کی اطلاع ملتے ہی ریسکیو اہلکار اس مقام پر پہنچے اور علاقے کو گھیرے میں لے کر عوام کی نقل حرکت محدود کر دی۔
حکام کا کہنا ہے کہ گلی میں نالے کے اندر پائپ لائن سے گیس لیکیج تھی جس کے باعث آگ لگی، ریسکیو ٹیموں نے جائے وقوعہ پر پہنچ کر بروقت کارروائی کی، فائر فائٹرز نے 3 فائر ٹینڈرز کی مدد سے فوری طور پر آگ پر قابو پایا۔
ریسکیو 1122 کے مطابق عوام کے جان و مال کے تحفظ کے لئے محکمہ ہر وقت الرٹ ہے۔