بھارت میں مرغے کی قربانی کے لیے چھت پر جانے والا شخص اچانک نیچے گر کر ہلاک ،مرغا محفوظ

نئی دہلی(مانیٹرنگ ڈیسک) بھارت میں مرغ کی قربانی کرنے والا شخص مرغ سمیت بلند رہائشی عمارت سے گر کر ہلاک ہو گیا جبکہ جس مرغ کی قربانی دینے جا رہا تھا وہ محفوظ رہا۔ انڈیا ٹائمز کے مطابق یہ واقعہ ریاست کرناٹک کے دارالحکومت چنئی کے علاقے پیلاورم میں پیش آیا۔
70سالہ راجندرن نامی شخص مرغ کو قربان کرنے کے لیے رہائشی عمارت کی چھت پر لے گیا جہاں سے وہ مرغ سمیت نیچے آ گرا اور موقع پر ہی راجندرن کی موت واقع ہو گئی جبکہ مرغ محفوظ رہا۔ 
پولیس کے مطابق یہ معلوم نہیں ہو سکا کہ راجندرن چھت سے کیسے نیچے گرا۔یہ رات کا وقت تھا اور ممکنہ طور پر اندھیرے کی وجہ سے وہ چھت کے کنارے کا علم نہ ہونے پر نیچے جا گرا ہو گا۔متوفی کی لاش پوسٹ مارٹم کے لیے ہسپتال منتقل کر دی گئی ہے۔