اے این ایف : 8 کارروائیوں میں1478 کلو سے زائد منشیات برآمد، 5 ملزمان گرفتار
کراچی ( ڈیلی پاکستان آن لائن ) اینٹی نارکوٹکس فورس (اے این ایف) نے 8 کارروائیوں کے دوران 5 ملزمان کو گرفتار کر لیا۔
نجی ٹی وی دنیا نیوز نے ترجمان اے این ایف کے حوالے سے بتایاکہ یہ کارروائیاں فیصل آباد، سرانان، کوئٹہ، پشاور، لاہور اور اسلام آباد میں کی گئیں، مختلف کارروائیوں کے دوران 1478.494 کلو گرام منشیات برآمد کی گئی۔
حکام کے مطابق کارروائی کے دوران 1477 کلو 510 گرام چرس، 498 گرام ہیروئن، 61 گرام کوکین، 525 گرام وزنی 620 نشہ آور ایکسٹیسی گولیاں برآمد کر لی گئیں۔
ترجمان اے این ایف کا کہنا ہے کہ گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
