نائیجیریامیں تدفین اور شادی کی تقریب پر خود کش حملے، 18 افراد مارے گئے
ابوجا (ویب ڈیسک) نائجیریا کے صوبے بورنو میں متعدد مقامات پر خود کش حملوں میں 18 سے زائد افراد ہلاک اور درجنوں زخمی ہوئے، تدفین اور شادی کی تقریب کے علاوہ ایک اسپتال کو بھی نشانہ بنایا۔
بورنو صوبے کے شہر گووزا میں کیے جانے والے ان خود کش حملوں کو حالیہ برسوں میں نائیجیریا کے خانہ جنگی کے حوالے سے انتہائی نوعیت کی وارداتیں قرار دیا جارہا ہے۔کالعدم بوکو حرام کی سرگرمیوں اور خانہ جنگی کے حوالے سے صوبہ بورنو 15 سال سے انتہائی نامساعد حالات کا سامنا کر رہا ہے۔
نائیجیرین فوج نے عسکری پسند گروپوں کو خاصا کمزور کردیا ہیے تاہم وہ اب بھی اپنی سرگرمیاں مکمل طور پر ترک کرنے کے لیے تیار نہیں۔ اِکا دُکا حملوں اور بم دھماکوں میں شہریوں کی ہلاکتیں واقع ہوتی رہتی ہیں۔تازہ ترین خود کش حملوں میں بڑوں اور بچوں کے علاوہ حاملہ خواتین بھی ہلاک ہوئیں۔ چند زخمیوں کی حالت تشویش ناک ہے۔
