وزیر اعظم کے ای لنک کے ذریعے ڈسٹرکٹ اینڈ سیشن جج کے سامنےپیش ہونے کی ویڈیو سامنے آگئی
اسلام آباد ( ڈیلی پاکستان آن لائن ) وزیر اعظم عمران خان کی ای لینک کے ذریعے ڈسٹرکٹ اینڈ سیشن جج کے سامنے پیش ہونے کی ویڈیو منظر عام پر آگئی ۔
وفاقی وزیر علی زیدی نے وزیر اعظم کی ڈسٹرکٹ اینڈ سیشن جج کی عدالت میں بذریعہ ای لنک پیشی کے ویڈیو شیئر کی ۔ ن لیگ کے رہنما خواجہ آصف نے شوکت خانم ٹرسٹ پر الزامات عائد کیےتھے جس پر وزیر اعظم نے ان کے خلاف ہتک عزت کا دعویٰ دائر کر رکھا ہے ۔
He is actually working now on bringing back the real moral values that the corrupt political elite of our country had buried & forgotten!
— Ali Haider Zaidi (@AliHZaidiPTI) December 31, 2021
It has been an honour & a privilege to be associated with PM @ImranKhanPTI who will eventually change the fate of this great nation. pic.twitter.com/z5fIQm8fKs
وزیر اعظم 17 دسمبر کو بذریعہ ای لنک ڈسٹرکٹ اینڈ سیشن جج کے سامنے پیش ہوئے ، جج نے وزیراعظم عمران خان سے بیان حلفی اور دستخطوں کی تصدیق کرائی۔ وزیر اعظم نے عدالت میں کہا کہ اوتھ کمشنر کی موجودگی میں بیان حلفی پر خود دستخط کیے۔ جج نے وزیر اعظم سے سوال کیا کہ کیا آپ بیان حلفی میں لکھے ہوئے مندرجات سے بھی واقف ہیں؟ ۔ وزیر اعظم نےجواب دیا کہ جی بالکل میں نے خود اپنے وکیل کوبیان حلفی لکھوایا تھا، بیان حلفی میں جو بھی معلومات دیں وہ سچ پر مبنی ہیں۔
وزیر اعظم نے کہا کہ بیان کے ساتھ منسلک کاغذات کے بھی درست ہونے کی تصدیق کرتا ہوں۔ وزیر اعظم نے تصدیق مکمل ہونے کے بعد وزیراعظم نے جج سے رخصت کی اجازت مانگی جبکہ جج نے تصدیق کا عمل مکمل ہونے پر وزیراعظم کو جانے کی اجازت دی۔
