معروف اداکارعمران عباس زخمی ہوگئے

لاہور(ڈیلی پاکستان آ ن لائن)پاکستانی معروف اداکار و  ماڈل عمران عباس زخمی ہو گئے ہیں۔

تفصیلات کے مطابق اپنے خوبصورت چہرے کے خدو خال کے سبب متعدد بار مقابلہ حسن جیت کر پاکستان کا نام روشن کرنے والے اداکار عمران عباس اپنے پاؤں پر چوٹ لگوا بیٹھے ہیں۔اداکار نے فوٹو اینڈ ویڈیو شیئرنگ ایپ انسٹاگرام پر اسٹوری شیئر کی ہے جس میں اُن کے پاؤں پر پلاسٹر دیکھا جا سکتا ہے۔عمران عباس نے اپنی سٹوری پر درد کا اظہار کرتے ہوئے لکھا  کہ "میرا پاؤں۔"

یاد رہے کہ عمران عباس نے باقاعدہ اداکاری شروع کرنے سے پہلے آغوش ڈرامے میں مختصر کردار ادا کیا تھا۔ 

 2003ء میں انہوں نےڈرامہ سیریل"اُمراؤ جان ادا" سے اپنے کیریئر کی ابتدا کی تھی،انہیں معروف  ڈرامہ سیریل "خدا اور محبت" میں اپنی جاندار اداکاری کی وجہ سے خاصی شہرت حاصل ہوئی جبکہ " محبت تم سے نفرت ہے"،  بھی ان کے یادگار ڈراموں میں سے ایک ہے۔