اداکارہ سائرہ خان نے شوبز کو فریب قرار دیدیا

کراچی (ویب ڈیسک) پاکستان ٹیلی ویژن اور فلم کی نامور اداکارہ سائرہ خان نے شوبز کی دنیا میں واپس آنے سے انکار کردیا۔ مکمل پردے میں رہ کر اسلامی بہنوں کو تبلیغ اور حق، سچ کی راہ پر چلنے کی دعوت دیتے ہوئے سائرہ خان نے شوبز کی دنیا کو جھوٹ اور فریب قرار دے دیا۔ مقامی اخبار خبریں کے مطابق پاکستان ٹیلی ویژن اور فلموں سے ملک گیر شہرت حاصل کرنے والی اداکارہ سائرہ خان کو جب شوبز کی دنیا میں واپس لانے کے لئے ہدایتکار نے رابطہ کیا تو انہوں نے کہا کہ میں اس دنیا میں واپس نہیں آسکتی، سائرہ خان اور ان دنوں لاہور، جوہر ٹاؤن کے علاقے میں اپنے شوہر، دو بچوں کے ساتھ خوشحال زندگی گزار رہی ہیں اور باپردہ ہوکر اسلام کی تبلیغ کررہی ہیں۔