اف! بے شرمی بھی وینا ملک کے سامنے شرماگئی

نئی دہلی(مانیٹرنگ ڈیسک) بھارت میں بے راہ روی کے ریکارڈ توڑنے والی پاکستانی اداکارہ وینا ملک نے ایک اور ’چھکا ‘ ماردیا ہے جس سے ایک پاکستانی لڑ کی کی اس بے شرمی کے سامنے شرم بھی شرما گئی ہے ۔وینا ملک نے اپنی سالگرہ گنیزبُک آف ولڈ ریکارڈ میں شامل کرنے کیلئے 100بوسے دینے کا اعلان کر دیا ہے ۔ بھارت میں موجود ”سٹنٹ کوئین“ وینا ملک نے اپنی انتیس ویںسالگرہ کے موقع پرایک متنازع اعلان کر دیا ہے کہ وہ ایک منٹ میں سو سے زائد بوسے دینے کا انوکھاعالمی ریکارڈ قائم کریں گی ۔یہ ریکارڈ ممبئی میں ایک ٹی وی کے ریئلٹی شو میں بنایا جائے گا۔ اس سے قبل وہ بھارت میں ٹی وی شو ز اور بگ باس پروگرام میں بھی اپنی متنازع حرکات دکھا چکی ہیں۔وینا ملک کا کہنا ہے وہ اس ریکارڈ کے حوالے سے بہت پر جوش ہیں،انہیں امید ہے ان کا نام گنیز بک میں آ جائے گا۔