پاک بحریہ کا سمندر میں کامیاب انسداد منشیات آپریشن، منشیات کی بڑی کھیپ پکڑی گئی

راولپنڈی(ڈیلی پاکستان آ ن لائن) پاک بحریہ کا سمندر میں کامیاب انسداد منشیات آپریشن، منشیات کی بڑی کھیپ ضبط  کر لی

تفصیلات کے مطابق انسدادِ منشیات آپریشن شمالی بحیرۂ عرب میں کیا گی،نیول فضائی اثاثوں کی مدد سے پی این ایس معاون نے مشکوک کشتی پر بورڈنگ آپریشن کرکے منشیات قبضے میں لے لیں؛ جو کشتی کے خفیہ خانوں میں چھپائی گئی تھیں۔ 
ضبط شدہ منشیات کی بین الاقوامی مارکیٹ میں مالیت تقریباً 1 ملین امریکی ڈالرز ہے،منشیات کی یہ کھیپ سمندر کے راستے بین الاقوامی مقامات تک پہنچائی جا رہی تھی۔

آئی ایس پی آر نے کہا ہے کہ  پاک بحریہ خطے کی سمندری حدود میں ہر طرح کی غیر قانونی سرگرمیوں کی روک تھام کیلئے ہمہ وقت سرگرم ہے۔