وزیراعلیٰ مریم نواز کا جھنگ کے فلڈ ریلیف کیمپ کے قریب فیلڈ ہسپتال کا دورہ
لاہور ( ڈیلی پاکستان آن لائن ) وزیر اعلیٰ پنجاب مریم نواز نے جھنگ کے فلڈ ریلیف کیمپ کے قریب فیلڈ ہسپتال کا دورہ کیا۔
وزیر اعلیٰ مریم نواز نے فیلڈ ہسپتال میں ادویات، سیلاب متاثرین کو علاج معالجہ کی فراہمی کے حوالے سے دریافت کیا۔ وزیراعلیٰ نے ریلیف کیمپ میں ضلعی انتظامیہ کی جانب سے اقدامات کا جائزہ لیا اور جھنگ شہر سے ملحقہ حفاظتی بند کا بھی تفصیلی دورہ کیا۔
وزیر اعلیٰ مریم نواز کی آمد پر عوام کا جم غفیر امڈ آیا۔ وزیر اعلیٰ مریم نواز نے ننھی بچی سے شفقت کا اظہار کیا۔ معمر خاتون نے وزیر اعلیٰ کا ہاتھ تھام کر دعائیں دیں۔
