کشیدہ حالات کے پیش نظرملاکنڈ یونیورسٹی 3 دن کیلئے بند
ملاکنڈ (ڈیلی پاکستان آن لائن) ٹریفک حادثے میں طالب علم کی موت پر کشیدہ حالات کے پیش نظر ملاکنڈ یونیورسٹی کو 3 دن کے لئے بند کر دیا گیا۔
نوٹیفیکیشن کے مطابق ملاکنڈ یونیورسٹی، ویمن سب کیمپس بٹ خیلہ اور ملحقہ سکول و کالجز 3سے 5 جون تک بند رہیں گے۔اسسٹنٹ رجسٹرار اکیڈیمیکس نے وائس چانسلر کی منظوری سے یونیورسٹی بندش کا اعلامیہ جاری کر دیا، جاری کردہ اعلامیے کے مطابق یونیورسٹی میں جاری امتحانات کو ری شیڈول کرکے بعد میں لئے جائیں گے۔
