محمد رضوان کی کپتانی پر بڑا سوالیہ نشان، مسلسل2 میچوں میں شکست کیساتھ ساتھ جرمانوں کی بھی سزا

دبئی(ڈیلی پاکستان آن لائن)آئی سی سی نے ایک مرتبہ پھر پاکستان کرکٹ ٹیم پر سلو اوور ریٹ پر جرمانہ عائد کر دیا ۔

تفصیلات کے مطابق نیوزی لینڈ کیخلاف دوسرے ون ڈے میچ میں پاکستان ٹیم مقرر ہ وقت پر  1 اوور وقت سے پیچھے تھی جس کے باعث ٹیم کے تمام کھلاڑیوں پر میچ فیس کا 5 فیصد جرمانہ عائد کر دیا گیاہے ۔

یاد رہے کہ اس سے قبل پہلے ون ڈے میچ میں بھی پاکستان ٹیم کو سلو اوور ریٹ پر جرمانہ کیا گیا تھا ۔نیوزی لینڈ نے پاکستان کو 3 میچز کی سیریز میں سے 2 میں شکست دیتے ہوئے سیریز جیت لی ہے تاہم سیریز کا آخری میچ پرسوں کھیلا جائے گا ۔