ہری پور میں گاڑی کھمبے سے ٹکرا گئی، ایک شخص جاں بحق، 4 شدید زخمی
ہری پور (ڈیلی پاکستان آن لائن) ہری پور میں گاڑی بجلی کے کھمبے سے ٹکرانے سے ایک شخص جاں بحق اور 4 شدید زخمی ہو گئے۔
نجی ٹی وی ایکسپریس نیوز کے مطابق حادثہ کوٹ نجیب اللہ کے قریب پیش آیا جہاں گاڑی ڈرائیور کی جانب سے کنٹرول کھو دینے کے سبب بجلی کے کھمبے سے ٹکرا گئی۔ ٹکر اتنی شدید تھی کہ ایک شخص موقع پر جاں بحق ہو گیا جبکہ 4 شدید زخمی ہو گئے۔
ریسکیو عملے نے لاش اور زخمیوں کو قریبی ہسپتال منتقل کر دیا۔
