چئیرمین پی سی بی کی پاکستانی نژاد عمیر بٹ کو بلجیئم کرکٹ فیڈریشن کے مسلسل تیسری بار چئیرمین منتخب ہونےپر مبارک باد
لاہور(سپورٹس رپوٹر) پاکستانی نژاد عمیر بٹ بلجیئم کرکٹ فیڈریشن کے چئیرمین منتخب ہو گئے۔عمیر بٹ مسلسل تیسری بار بلجیئم کرکٹ فیڈریشن کے چئیرمین منتخب ہوئے ہیں۔
چئیرمین پی سی بی محسن نقوی نے بلجیئم کرکٹ فیڈریشن کا مسلسل تیسری بار چئیرمین منتخب ہونے پر عمیر بٹ کو مبارک باد دی ہے۔چئیرمین پی سی بی محسن نقوی نے بلجیئم کرکٹ فیڈریشن کے نومنتخب چیئرمین عمیر بٹ کے لئے نیک تمناؤں کا اظہار کرتے ہوئے کہا کہ عمیر بٹ کا تسلسل کے ساتھ تیسری بار چئیرمین منتخب ہونا ایک اعزاز ہے۔ عمیر بٹ اپنی محنت اور پروفیشنل اپروچ کی بدولت بلجیئم کرکٹ فیڈریشن کے چئیرمین منتخب ہوئے۔ انہوں نے کہا کہ امید ہے کہ عمیر بٹ بلجیئم میں کرکٹ کے فروغ کیلئے اپنا موثر کردار جاری رکھیں گے۔
