جہلم میں انکوائری کیلئے جانے والے 2 گروپس میں فائرنگ سے 2 افراد جاں بحق

جہلم (ڈیلی پاکستان آن لائن )پنجاب کے ضلع جہلم میں انکوائری کے لئے جانے والے 2 گروپ آمنے سامنے آگئے، ایک گروپ کی جانب کی گئی فائرنگ سے دو افراد جاں بحق اور ایک کو شدیدز خمی حالت میں ہسپتال منتقل کردیا گیا۔
نجی ٹی وی آج نیوز نے ذرائع کے حوالے سے بتایا کہ ڈھنگوال اڈے پر فائرنگ کا افسوسناک واقعہ پیش آیا جس کے نتیجے میں 2 افراد موقع پر جاں بحق ہوگئے۔ذرائع کا کہنا ہے کہ دونوں پارٹیز بسلسلہ انکوائری تھانے جا رہے تھے کے راستے میں دونوں کا آمنا سامنا ہوگیا اور تلخ کلامی کے بعد فائرنگ شروع ہوگئی جبکہ قتل اور زخمی ہونے والوں میں دو سگے بھائی شامل ہیں۔پولیس نے بتایا کہ زخمی شخص کو ڈی ایچ کیو جہلم ہسپتال منتقل کر دیا گیا ہے۔
پولیس کے مطابق مقتولین کا تعلق سگھرپور اور شاکر پور سے ہے۔