سندھ میں اپوزیشن جماعتوں کو اکٹھا ہونا چاہیے، بھٹو جونیئر کی پارٹی کو ویلکم کرتا ہوں:غلام مرتضیٰ جتوئی

نوشہروفیروز ( ڈیلی پاکستان آن لائن ) گرینڈ ڈیموکریٹک الائنس (جی ڈی اے) رہنما غلام مرتضیٰ جتوئی  نے کہا ہے کہ  سندھ میں حزب اختلاف کی جماعتوں کو اکٹھا ہونا چاہیے۔

 ’’جنگ ‘‘ کے مطابق نوشہرو فیروز کی عدالت سے ضمانت منظور ہونے کے بعد میڈیا سے گفتگو کرتے ہوئے انہوں نے کہا کہ سندھ میں حزب اختلاف کی جماعتوں کو اکٹھا ہونا چاہیے۔فری اور فیئر الیکشن ہوئے تو پیپلز پارٹی 30 نشستیں  بھی نہیں جیت پائے گی۔ ذوالفقار بھٹو جونیئر کی نئی پارٹی کو ویلکم کرتا ہوں۔

انہوں نے یہ بھی کہا کہ عدالت نے دادو کے تھانہ میانی میں درج مقدمے میں ضمانت منظور کر لی ہے۔