مختلف بار ایسوسی ایشنز  میں  چیکس کی تقسیم ،ینگ وکلاء کا ٹریننگ پروگرام ایک ماہ تک  شروع کر دیا جائے گا: صوبائی وزیر قانون 

لاہور (ڈیلی پاکستان آن لائن) ساہیوال، شاہ پور، سلانوالی،  بہلوال، کوٹ مومن، بھوانہ، لالیاں بار ایسوسی ایشنز کے صدور و جنرل سیکرٹریزنے لاہور میں صوبائی وزیر قانون پنجاب ملک صہیب احمد بھرتھ سے ملاقات کی۔صدر ساہیوال بار امتیاز احمد ایڈووکیٹ، صدر شاہ پور  بار ملک اظہر ایڈووکیٹ، صدر سلانوالی  بار کے صدر رانا مبارک علی ایڈووکیٹ، بہلوال  بار کے صدر میاں عزیر  ایڈووکیٹ ملاقات کرنے والوں میں شامل تھے۔ سیکرٹری قانون پنجاب آصف بلال  لودھی  بھی اس موق پر موجود  تھے۔

پنجاب حکومت کی طرف  ساہیوال بار ایسوسی ایشن کو 25 لاکھ روپے،شاہ پور بار، سلانوالی بار کو 25,25 لاکھ روپے، بہلوال بار،کوٹ مومن بار کو 25،25 لاکھ روپے  اور بھوانہ اور لالیاں بار کو 25، 25 لاکھ روپے کی گرانٹ دی گئی۔ گرانٹ سے فی میل بار رومز کی تعمیر، ای لائبریری,  ایگزیکٹو رومز، کتب،، کمپیوٹرز اور  فرنیچر خرید سکیں گے۔

صوبائی وزیر قانون ملک صہیب احمد بھرتھ نے اس موقع پر کہا کہ پنجاب کی تاریخ میں پہلی مرتبہ وزیر اعلی پنجاب بڑے پیمانے پر  وکلاء کے مسائل کو حل کر رہی ہیں۔ میں پنجاب بھر کے وکلاء کا نمائندہ ہوں. ینگ وکلاء کی ٹریننگ کے لیے پروگرام کو حتمی شکل دے چکے ہیں. ایک ماہ تک اس کو شروع کر دیا جائے گا۔ وکلاء کے مسائل کو سلسلہ وار حل کر رہے ہیں۔ وکلاء اور ہم ایک ٹیم ہے۔پنجاب حکومت صوبہ بھر کی بار میں خواتین وکلاء کیلئے ڈے کیئر سنٹر کا قیام کررہی ہے۔  وکلاء کے مسائل کو مستقل بنیادوں پر حل کیا جائے گا۔وزیر اعلیٰ پنجاب ترجیحی بنیادوں پر وکلاء کے مسائل کو حل کرنا چاہتی ہیں۔

بارز کے  صدور  کا کہنا تھا کہ حکومت کا پنجاب بھر کے  وکلاء کے فوری مسائل حل کرنا قابل ستائش ہے۔