انڈیا کے پاس کتنا زر مبادلہ ہے؟ جواب پاکستانیوں کے ہوش اڑا دے
نئی دلی (ڈیلی پاکستان آن لائن) پاکستان اکثر ہی مالی مشکلات کا شکار رہتا ہے اور اسے بار بار آئی ایم ایف کے سہارے کی ضرورت پڑتی رہتی ہے۔ ہمارے زر مبادلہ کے ذخائر بھی دوست ممالک کے ڈیپازٹس کی وجہ سے ٹک پاتے ہیں لیکن پڑوسی ملک بھارت کے پاس زر مبادلہ کے ذخائر کا جان کر ہی پاکستانی حیران پریشان رہ جائیں گے۔
ریزرو بینک آف انڈیا کی رپورٹ کے مطابق 29 نومبر کو ختم ہونے والے ہفتے کے اختتام پر بھارت کے پاس 658 ارب ڈالر سے زیادہ کے زر مبادلہ ذخائر موجود ہیں۔ انڈیا میں لگاتار آٹھ ہفتوں تک زر مبادلہ ذخائر گرتے رہے لیکن اب ان میں ایک ارب 51 کروڑ ڈالر کا اضافہ ہوا ہے۔
گزشتہ ہفتے کے دوران انڈیا کے کیش ذخائر میں دو ارب چھ کروڑ ڈالر کا اضافہ ہوا اور یہ 568 ارب 85 کروڑ 20 لاکھ ڈالر ہوگئے۔ انڈیا کے پاس زر مبادلہ ذخائر میں پڑے ہوئے سونے کی مالیت 66 ارب 97 کروڑ 90 لاکھ ڈالر ہے۔
