قوم کا پونے 3سو ارب لگ چکا ، اور نج میٹر و ٹرین انتہائی گھٹیا اور خراب منصوبہ ہے :ترجمان وزیر اعلیٰ پنجاب

قوم کا پونے 3سو ارب لگ چکا ، اور نج میٹر و ٹرین انتہائی گھٹیا اور خراب منصوبہ ...
قوم کا پونے 3سو ارب لگ چکا ، اور نج میٹر و ٹرین انتہائی گھٹیا اور خراب منصوبہ ہے :ترجمان وزیر اعلیٰ پنجاب

  

لاہور (ڈیلی پاکستان آن لائن)وزیر اعلیٰ پنجاب کے ترجمان شہباز گل نے کہاہے کہ اورنج میٹرو ٹرین کامنصوبہ بہت ہی گھٹیا اورخراب منصوبہ ہے ، اس منصوبے پر بہت زیادہ خسارہ ہواہے ،اس منصوبے پر اب تک پونے تین سو ارب روپے تک قوم کاپیسہ لگ چکاہے ۔

دنیا نیوز کے پروگرام ”اختلافی نوٹ“ میں گفتگو کرتے ہوئے شہباز گل نے کہا کہ اورنج ٹرین کامنصوبہ بہت ہی گھٹیا اورخراب منصوبہ ہے ، اس منصوبے پر بہت زیادہ خسارہ ہواہے ،اس منصوبے پر اب تک پونے تین سو ارب روپے تک قوم کاپیسہ لگ چکاہے ، اب ہماری کوشش ہے کہ اس منصوبے کومکمل کیا جائے کیونکہ اس پر عوام کا بہت زیادہ پیسہ لگ چکاہے ۔

ان کا کہناتھا کہ ہم کوشش کررہے ہیں کہ سپریم کورٹ کی ہدایت کے مطابق اس منصوبے کو 31جولائی تک مکمل کرلیا جائے ، اس حوالے سے تمام فنڈز مہیا کردیئے گئے ہیں، اس منصوبے میں اس قدرخسارہ ہوناہے جو نہیں ہونا چاہئے تھا ، شکاگو اوردبئی میں بھی ایسا کوئی منصوبہ نہیں ہے ۔

مزید : قومی