ٹرمپ نے اہلیہ ملانیا کے ہمراہ پام بیچ میں ووٹ کاسٹ کر لیا

واشنگٹن(ڈیلی پاکستان آن لائن) ڈونلڈ ٹرمپ نے اپنی اہلیہ ملانیا کے ہمراہ پام بیچ میں ووٹ کاسٹ کر لیا۔

ڈونلڈ ٹرمپ نے اہلیہ کے ہمراہ ووٹ کاسٹ کرنے کے بعد گفتگو کرتے ہوئے کہا کہ آج الیکشن کا دن امریکی تاریخ کا سب سے اہم دن ہوگا ،ووٹرز کا جوش عروج پر ہے، لوگ امریکا کودوبارہ عظیم بنانا چاہتے ہیں۔ آپ اپنا ووٹ ڈالیں، چاہے جتنا بھی وقت لگے، قطار میں کھڑے رہیں، میرے خیال میں میری انتخابی مہم بہترین رہی، ووٹ گننے کیلئے 2 سے 3 دن لگنے کی کوئی وجہ نہیں ہے۔

صدارتی امیدوار نے مزید کہا کہ جو بھی ہمارے ملک میں قانونی طور پرآنا چاہے آ سکتا ہے، میں صرف غیر قانونی تارکین وطن کے خلاف ہوں، لوگوں سے کہتا ہوں بہتر مستقبل کیلئے اپنا ووٹ کاسٹ کریں۔