پاکستان سوشل سنٹر شارجہ کے زیراہتمام میلادالنبیؐ ﷺ کی سالانہ تقریب کا انعقاد
دبئی (طاہر منیر طاہر) پاکستان سوشل سنٹر کے زیراہتمام میلادالنبیؐ ﷺ کی سالانہ تقریب منعقد ہوئی جس کا آغاز عمران چوہدری کی تلاوت کلام پاک سے ہوا جبکہ تقریب کی نظامت کے فرائض حافظ عبدالرؤف نے انجام دیے-عید میلادالنبیؐ ﷺ کی بابرکت محفل میں بورڈ آف ڈائریکٹرز پاکستان سوشل سنٹر شارجہ عمران رفیق،عمران اسلم، فراز صدیقی، عبد الرزاق ، محمد عمر بلوچ ، عتیق خان اور راشد الاسلام نے شرکت کی۔
ثناء خوانوں نے بارگاہ رسالت مآبﷺ میں گلہائے عقیدت پیش کیے- نعت خوانوں میں محمد اصغر قادری،سرفراز مغل، فاروق چشتی، مزمل شیخ، اللہ رکھا مغل، محمد آصف، قاری مرتضی، محمد اعظم ورک،خان ذیشان گوہر، محمد علی قادری،اعجاز احمد قادری، قاری محمد عباس اور سرمد شامل تھے- محمد علی قادری اور دیگر نعت خوانوں نے آقائے دو جہاں حضرت محمد مصطفیٰ صلی اللہ علیہ وآلہ وسلم پر درود و سلام پڑھا اور مقررین نے سیرت نبوی کے موضوع پر تقاریر کرتے ھوئے کہا کہ ہمیں نبی کریم صلی اللہ علیہ وسلم کی تعلیمات پر عمل کرنا چاہیے تاکہ ہم اپنی دنیا اور آخرت سنوار سکیں-تقریب کے آرگنائزرعمران رفیق، فراز احمد اور محمد اکرم شہزاد نے تمام نعت خوانوں میں تحائف تقسیم کئے اوران کی آمدکا شکریہ ادا کیا۔ شارجہ سینٹر میں منعقدہ جشن میلاد مصطفیٰ میں کمیونٹی کی بڑی تعداد نے شرکت کی۔ یاد رہے کہ خواتین کیلئے پردہ کا علیحدہ انتظام کیا گیاتھا۔ تقریب کے اختتام پر ملکی سلامتی اور خوشحالی کے لیے خصوصی دعا کروائی گئی-
