عیسیٰ خیل کے قریب موٹر وے پر بس الٹ گئی، 2 افراد جاں بحق، 7 زخمی ہو گئے

میانوالی (ڈیلی پاکستان آن لائن )موٹر وے ایم 14 پر بس الٹ گئی، جس کے نتیجے میں 2 افراد جاں بحق جبکہ 7 زخمی ہو گئے۔
روز نامہ امت نے ترجمان موٹر وے پولیس کے حوالے سے بتایاکہ موٹر وے ایم 14 پر عیسیٰ خیل کے قریب بس الٹی ہے۔حادثے میں جاں بحق ہونے والوں کی لاشوں اور زخمیوں کو سول ہسپتال منتقل کر دیا گیا ہے۔
موٹر وے پولیس کے ترجمان نے بتایا ہے کہ امدادی کارروائیوں کے دوران بس کے خفیہ خانوں سے نان کسٹم پیڈ سامان بھی برآمد کیا گیا ہے۔ترجمان موٹر وے کے مطابق نان کسٹم پیڈ سامان میں تمباکو، چاکلیٹس اور گٹکا شامل ہے۔