بنوں : پولیس چیک پوسٹ پرنامعلوم افراد کی چاروں اطراف سے فائرنگ،اہلکاروں کا جوابی اقدام
بنوں(ڈیلی پاکستان آن لائن )بنوں میں چیک پوسٹ پر رات گئے نامعلوم افراد نے فائرنگ کردی۔
نجی ٹی وی جیونیوز نے پولیس کے حوالے سے بتایاکہ بنوں میں سپینہ تنگی پولیس چیک پوسٹ پر رات گئے نامعلوم افراد نے چاروں طرف سے فائرنگ کی جس کے بعد پولیس کی بروقت جوابی فائرنگ سے حملہ آور فرار ہوگئے۔پولیس کا بتانا ہے کہ فائرنگ کے فوری بعد چیک پوسٹ پر موجود اہلکاروں نے بھی جوابی فائرنگ کی، فائرنگ کا سلسلہ کچھ دیر تک جاری رہا تاہم حملہ آور رات کی تاریکی میں فرار ہوگئے۔پولیس کا کہنا ہے کہ اہلکاروں کی فوری اور بروقت کارروائی سے کوئی جانی نقصان نہیں ہوا۔
