تھرپارکر میں آر او پلانٹس کے فنڈز میں کروڑ وں کی خردبرد کا انکشاف ، 2 ایگزیکٹو انجینئرز برطرف

کراچی ( ڈیلی پاکستان آن لائن )  تھرپارکر میں آر او پلانٹس کی مرمت و دیکھ بھال کے فنڈز میں 15 کروڑ سے زائد کی خردبرد سامنے آئی ہے۔

ترجمان چیف سیکرٹری کے مطابق محکمہ پبلک ہیلتھ انجینئرنگ کے 2 ایگزیکٹیو انجینئرز کو الزامات ثابت ہونے پر ملازمت سے برطرف کردیا گیا ہے۔چیف سیکرٹری آصف حیدر شاہ نے دونوں افسران کی برطرفی کی منظوری دے دی ہے۔

’’جیو نیوز ‘‘ کے مطابق ترجمان کا کہنا ہے کہ انکوائری میں دونوں افسران پر فنڈز کے ناجائز استعمال کے الزامات ثابت ہوئے جس کے بعد چیف سیکرٹری نے دونوں افسران سے خردبرد شدہ رقم واپس لینے کی ہدایت کی۔ الزامات ثابت ہونے پر دونوں افسران کوسندھ سول سرونٹس رولزکے تحت سزادی گئی جب کہ  چیف سیکرٹری نے تمام اضلاع میں پلانٹس کی مانیٹرنگ کا حکم بھی دیا۔