پنجاب: لائیو سٹاک شو میں مویشیوں کا مقابلہ، ساہیوال کے سانڈ اور نوشہرہ ورکاں کی بھینس کا پہلا نمبر

لاہور (ڈیلی پاکستان آن لائن )پنجاب میں لائیو سٹاک شو کا انعقاد کیا گیا جہاں مویشیوں نے مقابلے میں دھوم مچا دی۔
نجی ٹی وی جیو نیوز کے مطابق مقابلے میں ساہیوال کا سانڈ خوبصورتی میں اول، شیخوپورہ کا دوئم اور فاروق آباد کا سانڈ تیسرے نمبر پر رہا۔
بھینسوں کے مقابلہ حسن میں نوشہرہ ورکاں کی بھینس پہلے نمبر پر رہی جبکہ محمد منیر کا شیرِ گوجرانوالہ بیل خوبصورتی میں اول نمبر پر رہا۔
اس کے علاوہ 74 لٹر دودھ دینے والی گائے پہلے نمبر پر رہی، 44 لٹر دودھ دینے والی بھینس پہلے نمبرپر اور 40 لٹر دینے والی دوسرے نمبر پر رہی۔
صرف اتنا ہی نہیں شیخوپورہ سے تعلق رکھنے والی امجد علی کی اونٹنی نے 16 لٹر دودھ دے کر پہلا نمبر حاصل کرلیا۔