جنوبی وزیرستان میں پولیس وین پر بم حملہ، اہلکاروں سمیت 11 افراد زخمی
وانا (ڈیلی پاکستان آن لائن )جنوبی وزیرستان میں پولیس وین پر ریموٹ کنٹرول بم سے حملہ کیا گیا۔
حکام کے مطابق جنوبی وزیرستان کے علاقے وانا رستم بازار میں کریکوٹ روڈ پر پولیس وین پر ریموٹ کنٹرول بم سے دھماکا کیا گیا جس کے نتیجے میں 11 افراد زخمی ہوئے۔
حکام نے بتایا کہ واقعے کی اطلاع ملتے ہی ریسکیو ٹیمیں موقع پر پہنچ گئیں اور زخمیوں کو قریبی ہسپتال منتقل کیا۔
ایم ایس اسپتال ڈاکٹر حماد محمود کے مطابق زخمیوں میں عام شہری اور پولیس اہلکار شامل ہیں۔
