اجارہ داری نامنظور،پنجاب میں یا چور رہیں گے یا ہم،خواجہ عمران نذیر

اجارہ داری نامنظور،پنجاب میں یا چور رہیں گے یا ہم،خواجہ عمران نذیر
اجارہ داری نامنظور،پنجاب میں یا چور رہیں گے یا ہم،خواجہ عمران نذیر

  IOS Dailypakistan app Android Dailypakistan app

راولپنڈی(ڈیلی پاکستان آن لائن)وزیر صحت پنجاب خواجہ عمران نذیر  کا کہنا ہے کہ محکمہ صحت نے 375 کے قریب کرپٹ اور چور ملازمین کو نکالا ہے،یا چور رہیں گے یا ہم رہیں گے، پنجاب میں کسی کی اجارہ داری چلنے نہیں دوں گا۔

راولپنڈی میں میڈیا سے گفتگو میں ان کا کہنا تھا لہ کئی بار ادویات کی قلت جان بوجھ کر پیدا کی جاتی ہے،راولپنڈی میں خسرہ سے اب تک آٹھ بچے جاں بحق ہوئے جبکہ خسرہ کے 496 مریض سامنے آئے،کانگو کے خطرے سے نمٹنے کیلئےہم الرٹ ہیں،شہر کے داخلی خارجی راستوں پر جانوروں کا معائنہ کرنے کے لئے ٹیم موجود ہو گی،شہری جانور کی خریداری سے پہلے دستانوں کا استعمال کریں،جانور خریدنے سے پہلے جانور پر چیچڑ چیک کریں ۔

انہوں نے مزید بتایا کہ اس بار ڈینگی کی کمپین پہلے سے مختلف ہو گی ہم کب تک شہریوں کے واٹر کولر اور ٹائر خشک کرتے  رہیں گے،اس بار ڈینگی  کمپین میں شہریوں کو ساتھ لے کر ڈینگی کو ٹف ٹائم دیں گے۔