کوئٹہ خودکش دھماکا: حکومت بلوچستان کا 3 روزہ سوگ کا اعلان

کوئٹہ (ڈیلی پاکستان آن لائن )بلوچستان کے درالحکومت کوئٹہ میں ریلوے سٹیشن پر ہونے والے خودکش دھماکے میں قیمتی جانوں کے ضیاع پر صوبائی حکومت نے تین روزہ سوگ کا اعلان کردیا۔
ڈان نیوز کے مطابق سانحہ کوئٹہ ریلوے سٹیشن پر صوبے میں 11 سے 13 نومبر تک سوگ منایا جائے گا۔
حکومت کے جاری کردہ نوٹیفکیشن کے مطابق تین روزہ سوگ پر صوبے میں سرکاری عمارات پر قومی پرچم سرنگوں رہے گا۔
واضح رہے کہ گزشتہ روز بلوچستان کے دارالحکومت کوئٹہ کے ریلوے سٹیشن میں خودکش دھماکے کے نتیجے میں خاتون سمیت 27 افراد جاں بحق اور 62 سے زائد زخمی ہوگئے تھے۔