یوں دی ہمیں آزادی کہ دنیا ہوئی حیران
یوں دی ہمیں آزادی کہ دنیا ہوئی حیران
اے قائد اعظم تیرا احسان ہے احسان
ہر سمت مسلمانوں پہ چھائی تھی تباہی
ملک اپنا تھا اور غیروں کے ہاتھوں میں تھی شاہی
ایسے میں اٹھا دین محمد کا سپاہی
اور نعرہ تکبیر سے دی تو نے گواہی
اسلام کا جھنڈا لیے آیا سر میدان
اے قائد اعظم تیرا احسان ہے احسان
دیکھا تھا جو اقبال نے اک خواب سہانا
اس خواب کو اک روز حقیقت ہے بنانا
یہ سوچا جو تو نے تو ہنسا تجھ پہ زمانہ
ہر چال سے چاہا تجھے دشمن نے ہرانا
مارا وہ تو نے داؤ کہ دشمن بھی گئے مان
اے قائد اعظم تیرا احسان ہے احسان
لڑنے کا دشمنوں سے عجب ڈھنگ نکالا
نہ توپ نہ بندوق نہ تلوار نہ پھالا
سچائی کے انمول اصولوں کو سنبھالا
پنہاں تیرے پیغام میں جادو تھا نرالا
ایمان والے چل پڑے سن کر تیرا فرمان
اے قائد اعظم تیرا احسان ہے احسان
پنجاب سے بنگال سے جوان
چل پڑے سندھی، بلوچی، سرحدی پٹھان
چل پڑے گھر بار چھوڑ بے سرو سامان
چل پڑے ساتھ اپنے مہاجر لیے قرآن
چل پڑے اور قائد ملت بھی چلے ہونے کو قربان
اے قائد اعظم تیرا احسان ہے احسان
نقشہ بدل کے رکھ دیا اس ملک کا تو نے
سایہ تھا محمد کاعلی کا تیرے سر پہ
دنیا سے کہا تو نے کوئی ہم سے نہ الجھے
لکھا ہے اس زمیں پہ شہیدوں نے لہو سے
آزاد ہیں آزاد رہیں گے یہ مسلمان
اے قائد اعظم تیرا احسان ہے احسان
ہے آج تک ہمیں وہ قیامت کی گھڑی یاد
میت پہ تیری چیخ کے ہم نے جو کی فریاد
بولی یہ تیری روح نہ سمجھو اسے بیداد
اسلام زندہ ہوتا ہے ہر کربلا کے بعد
گر وقت پڑے ملک پہ ہو جائیے قربان
اے قائد اعظم تیرا احسان ہے احسان
شاعر:فیاض ہاشمی
Yun Di Hamain Aazadi K Duniya Hui Hairan
Aye Quaid e Azam Tera Ehsan Hay Ehsan
Har Simt Pe Musalmano Pe chaaye thi tabahi
Mulk apna tha aur ghairon k hathon main thi shahi
Aise main utha Deen e Muhammad ka Sipahi
Aur Naara e Takbeer say di tu ne gawahi
Islam ka jhanda liye aaya sar e maidan
Aye Quaid e Azam tera ahsan hai ahsan
Dekha tha jo Iqbal ne ik khawab suhana
Us khawab ko ik roz haqeqat hai banana
Ye socha jo tu ne to hansa tujh pe zamana
Har chaal say chaha tujhe dushman ne harana
Mara woh tu ne dao k dushman bhi gaye maan
Eh Quaid e Azam tera ahsan hai ahsan
Larne ka dushmano say ajab dhang nikala
Na top na bandooq ka talwar na bhala
Sachai k anmol asoolon ko sambhala
Jinnah tere paigham main jadoo tha nirala
Iman wale chal pare sun ker tera farman
Eh Quaid e Azam tera ahsan hai ahsan
Naqsha badal k rakh diya is muk ka tune
Saaya tha Muhammad ka Ali ka tere sir pe
Duniya say kaha tune koi humse na uljhe
Likha hai is zameen pe shaheedon ne lahoo say
Azad hain azad rahain ge ye Musalmaan
Aye Quaid e Azam tera ahsan hai ahsan
Hai Aaj tak hamain woh Qayamat ki Ghari yaad
Mayyat pe Teri Cheekh ke Hum ne jo ki faryad
Boli yeh Teri Rooh na samjho isay Bedaar
Islam Zinda hota hai har Karbala ke bad
Gar Waqt paray mulk pe ho jaye Qurban
Aye Quaid-e-Azam Tera Ahsan hai Ahsan
Poet: Fayyaz Hashmi
