سفیرپاکستان کا العین میں شیخ تہنون بن محمد میڈیکل سٹی (STMC) اور سلمیٰ بحالی مرکز کا دورہ
دبئی (طاہر منیر طاہر) سفیرپاکستان برائے متحدہ عرب امارات فیصل نیاز ترمذی نے العین میں شیخ تہنون بن محمد میڈیکل سٹی (STMC) اور سلمیٰ بحالی مرکز کا دورہ کیا۔ چیف ایگزیکٹو آفیسر سلطان محمد الکرام اور چیف آپریٹنگ آفیسر عیسیٰ جابر الکویتی نے اپنی ٹیم کے ساتھ سفیر پاکستان کا پرتپاک استقبال کیا۔ ہسپتال میں پاکستانی مریضوں کی عیادت کی، ان کی صحت کے بارے میں دریافت کیا اور ان کی جلد صحت یابی کی خواہش کی۔ انہوں نے ڈاکٹروں، سرجنز اور پیرا میڈیکل سٹاف کی پیشہ وارانہ مہارت اور ہمدردانہ نگہداشت پر تعریف کی اور مریضوں اور ہسپتال کی قیادت دونوں کو سفارتخانے کے مکمل تعاون کی یقین دہانی کرائی-سفیرفیصل نیاز ترمذی نے ہسپتال کے منفرد ویلنس اوسس کا بھی دورہ کیا اور جدید ترین سہولیات کی تعریف کی۔ انہوں نے صحت کی دیکھ بھال میں بہترین کارکردگی اور پاکستانی مریضوں کو مثالی دیکھ بھال فراہم کرنے کے لیے انتظامیہ کا شکریہ ادا کیا۔
 اور سلمیٰ بحالی مرکز کا دورہ){kind=link}