فیصل آباد: گھر کے باہر سے لاپتہ ہونیوالے 7 سالہ بچے کی لاش برآمد
فیصل آباد(ڈیلی پاکستان آن لائن )فیصل آباد میں گھر کے باہر سے لاپتہ ہونے والے 7 سالہ بچے کی لاش قریبی کھیتوں سے مل گئی۔
پولیس ذرائع کے مطابق نواحی علاقے بوگنی میں ظفر اقبال نامی شخص کا 7 سالہ بیٹا گھر کے باہر سے لاپتہ ہو گیا تھا جس کی تلاش کی جا رہی تھی تاہم اب بچے کی لاش قریبی کھیتوں سے ملی۔
ذرائع کا بتانا ہے کہ بچے کی لاش ملنے پر اہل خانہ نے پولیس کو اطلاع دی جس کے بعد پولیس نے بچے کی لاش قبضے میں لے کر پورسٹ مارٹم کے لیے ہسپتال منتقل کردی۔
ذرائع کے مطابق پولیس نے بچے کو بدفعلی کے بعد قتل کیے جانے کا شبہ ظاہر کیا ہے اور معاملے کی تحقیقات کاآغاز بھی کردیا ہے۔
