گورنر پنجاب سردار سلیم حیدر سے ڈپٹی چیئرمین نیب سہیل ناصر کی ملاقات
لاہور(ڈیلی پاکستان آن لائن) گورنر پنجاب سردار سلیم حیدر سے ڈپٹی چیئرمین نیب سہیل ناصر نے ملاقات کی،ڈپٹی چیئرمین نیب نے گورنر پنجاب کو احتساب سہولت سیل پر تفصیلی بریفنگ دی،گورنر پنجاب سردار سلیم حیدر نے چیئرمین نیب کی نگرانی کی گئی اصلاحات کو سراہا۔
سما ٹی وی کے مطابق گورنر پنجاب نے کہاکہ ملک میں ترقی کیلئے کرپشن کا خاتمہ اور قانون کی عملداری کو یقینی بنانا ہے۔
ڈپٹی چیئرمین نیب نے کہاکہ کسی کے ساتھ زیادتی ہو گی نہ کسی کی عزت نفس مجروح کی جائے گی، چیمبرز آف کامرس میں بھی احتساب سہولت سیل قائم کریں گے۔
گورنر پنجاب کو دوران بریفنگ بتایا گیا کہ اے ایف سی سپیکر صوبائی اسمبلی کی زیرنگرانی گریڈ20کے آفیسر کے ماتحت کام کریگا،کسی بھی رکن اسمبلی کیخلاف شکایت کو احتساب سہولت سیل میں پرکھا جائے گا، نیب کسی بھی ایم پی اے کیخلاف موصول شکایت ڈائریکٹ ڈیل نہیں کرے گا، سیل ابتدائی تحقیقات کے بعد شکایت بذریعہ سپیکر نیب کو واپس ارسال کرے گا۔
ڈپٹی چیئرمین نیب نے کہاکہ نیب اائندہ اراکین اسمبلی کیخلاف گمنام درخواستوں پر کارروائی نہیں کرے گا، گورنر سلیم حیدر نے چیئرمین نیب کے مثبت اقدامات کو سراہا۔
