ہمارے ایم پی ایز کو اے آئی کا پتہ ہی نہیں،کامیابی کا ایجنڈا طے کرنا ہو گا : ملک احمد خان

لاہور ( ڈیلی پاکستان آن لائن )سپیکر پنجاب اسمبلی ملک احمد خان نے کہا ہے کہ ہمارے ایم پی ایز جو قانون سازی کرتے ہیں انہیں اے آئی کا پتہ ہی نہیں ہے۔اے آئی وقت کی اہم ضرورت ہے، ہمیں اپنی کامیابی کا ایجنڈا طے کرنا ہو گا۔

 نجی یونیورسٹی کی تقریب سے خطاب کرتے ہوئے سپیکر پنجاب اسمبلی کا کہنا تھا کہ  اے آئی وقت کی اہم ضرورت ہے، ہمیں اپنی کامیابی کا ایجنڈا طے کرنا ہو گا۔ ہم نے اے آئی کو زندگی میں شامل نہ کیا تو دنیا سے پیچھے رہ جائیں گے۔

"جنگ " کے مطابق ان کا مزید کہنا تھا کہ  حالیہ تحقیق سے پتہ چلا کہ انسانوں نے ایسی ٹیکنالوجی بھی بنائی ہے جسے کوئی کنٹرول نہیں کر سکتا۔ ہمیں آرٹیفشل انٹیلی جنس سے متعلق شعور پیدا کرنا ہو گا۔