وفاق ہمارا قرض دار ہے ، شاندانہ گلزار

 وفاق ہمارا قرض دار ہے ، شاندانہ گلزار
 وفاق ہمارا قرض دار ہے ، شاندانہ گلزار
سورس: فائل فوٹو

  IOS Dailypakistan app Android Dailypakistan app

پشاور ( ڈیلی پاکستان آن لائن )رکن قومی اسمبلی و رہنما پی ٹی آئی شاندانہ گلزار نے کہا ہے کہ بجلی کی مد میں وفاق ہمارا قرض دار ہے، ہمارا صوبہ بجلی بناتا ہے لیکن ہمیں ہی بجلی نہیں ملتی۔وفاقی حکومت نے قسم کھائی ہے خیبر پختونخوا میں انفراسٹرکچر پر کام نہیں کرنا۔ 

پشاور میں تحریک انصاف کے رہنماؤں شاندانہ گلزار اور معظم بٹ نے پریس کانفرنس کرتے ہوئے کہا کہ بجلی کی مد میں وفاق ہمارا قرض دار ہے، ہمارا صوبہ بجلی بناتا ہے لیکن ہمیں ہی بجلی نہیں ملتی، ہمیں 100 فیصد بجلی میں سے 10 فیصد بجلی چاہیے۔

"جنگ " کے مطابق ایڈووکیٹ معظم بٹ نے مائنز اینڈ منرلزبل پر بات کرتے ہوئے کہا کہ مائنز اینڈ منرلز بل کا مسودہ امریکہ  اور برطانیہ کے اشتراک سے بنا ہے۔ اے این پی نے خیبر پختونخوا میں اس بل کی مخالفت کی اور بلوچستان میں حمایت کی، ہمارے بھی کچھ ساتھیوں نے اس بل کی حمایت کی ہے۔بل کی منظوری کی شکل میں عوام کو تیار رہنا چاہیے۔کے پی اسمبلی میں اگر یہ بل منظور ہوا تو اسے چیلنج کرِیں گے۔