سندھ میں تمام گاڑیوں کی نمبر پلیٹس تبدیل کرنے کے احکامات
کراچی(ڈیلی پاکستان آن لائن ) محکمہ ایکسائز ٹیکسیشن اینڈ نارکوٹکس کنٹرول سندھ نے کمرشل و نجی گاڑیوں کے نمبر پلیٹس تبدیل کرنے کے احکامات جاری کردیے۔
روز نامہ امت کے مطابق ایکسائز حکام کا کہنا ہے کہ تمام نجی گاڑیوں کی نمبر پلیٹس سفید رنگ اور سندھی اجرک کے ڈیزائن کی ہوں گی جبکہ کمرشل گاڑیوں کی نمبر پلیٹ پیلے رنگ اور سندھی اجرک کی ڈیزائن پر مشتمل ہوں گی۔
ایکسائز حکام کے مطابق 3 اپریل 2025 کے بعد نجی گاڑیوں پر پیلی، کمرشل گاڑیوں پر کالی نمبر پلیٹس ناقابل قبول ہوں گی، نمبر پلیٹس کی تبدیلی کا فیصلہ گاڑیوں کے حفاظتی اقدامات اور یکساں شناخت کیلئے کیا گیا ہے۔
