مادھوری نے اپنا دفتر 3 لاکھ روپے کرائے پر دے دیا، سیکیورٹی ڈیپازٹ کتنا لیا؟ جان کر یقین نہ آئے

ممبئی (ڈیلی پاکستان آن لائن) بالی ووڈ کی دھک دھک گرل مادھوری ڈکشٹ نے  اندھری ویسٹ میں اپنے  دفتر کی جگہ کرائے  پر دی ہے جس کا کرایہ ماہانہ تین  لاکھ روپے ہے۔

ہندوستان ٹائمز کے مطابق  انہوں نے اپنا دفتر ایک نجی کمپنی کو کرایے پر دیا ہے۔ کرائے  کا معاہدہ 13 نومبر کو کیا گیا تھا، جس میں نو  لاکھ روپے کا سیکیورٹی ڈیپازٹ بھی شامل تھا۔ تین  لاکھ روپے کا کرایہ پہلے سال کے لیے مقرر کیا گیا ہے، اور اگلے سال سے کرایہ  تین لاکھ 15 ہزار  روپے ہو جائے گا۔

مادھوری ڈکشٹ کا ملکیتی یہ دفتر  ایک اپ سکیل رہائشی کمپلیکس میں واقع ہے جو لوئر پرل میں ہے اور اس کا رقبہ  5384 مربع فٹ ہے۔ اس کے ساتھ سات پارکنگ سپاٹس بھی موجود ہیں۔ مادھوری نے یہ پراپرٹی 48 کروڑ روپے میں خریدی تھی، جس میں دو کروڑ 40 لاکھ روپے کا اسٹامپ ڈیوٹی بھی شامل تھا۔

بالی ووڈ میں رئیل اسٹیٹ میں سرمایہ کاری ایک اضافی آمدنی کا بڑا ذریعہ بن چکی ہے۔ کئی ستارے جیسے کرشمہ کپور، کرینہ کپور، سلمان خان، امیتابھ بچن اور دیگر نے تجارتی پراپرٹیز میں سرمایہ کاری کی ہے۔ حال ہی میں شاہد کپور اور ان کی بیوی میرا راجپوت بھی خبروں میں آئے تھے جب انہوں نے اپنے ممبئی کے ورلی اپارٹمنٹ کو پانچ  سالہ معاہدے کے تحت 20 لاکھ روپے ماہانہ پر کرائے پر دیا۔ اس معاہدے میں ایک  کروڑ  23 لاکھ روپے کا سیکیورٹی ڈیپازٹ بھی شامل تھا۔