آپ کو جلد ریلیف ملے گا۔۔۔ شیخ رشید نے بانی پی ٹی آئی سے ملاقات کی تفصیل بتا دی

 راولپنڈی ( ڈیلی پاکستان آن لائن ) سابق وزیرِ داخلہ شیخ رشید  نے بانی پی ٹی آئی سے ملاقات کی تفصیل بتا دی  ۔

اڈیالہ جیل کے باہر میڈیا سے گفتگو کرتے ہوئےسابق وزیرِ داخلہ شیخ رشید  نے کہاہے کہ کمرۂ عدالت میں بانی پی ٹی آئی سے ملاقات ہوئی ، ملاقات کے دوران میں نے بانی پی ٹی آئی کو بوسہ دیا اور انہوں نے مجھے گلے لگایا۔ بانی پی ٹی آئی نے کہا آپ سیاست کو سمجھتے ہیں، اللّٰہ بہت بڑا ہے وہی ہماری مدد کرے گا۔

"جنگ " کے مطابق شیخ رشید کا کہنا تھا کہ" میں نے کہا ہائی کورٹ سے آپ کو جلد ریلیف ملے گا، کل کے فیصلے پر بانی پی ٹی آئی ذرا بھی پریشان نہیں ہیں"۔

مذاکرات کے حوالے سے شیخ رشید نے کہا کہ اگر جوڈیشل کمیشن نہیں بنا تو مذاکرات ختم ہیں۔

ان کا یہ بھی کہنا تھا کہ بیرسٹر گوہر اور آرمی چیف کی ملاقات کے بارے میں مجھے کوئی علم نہیں۔