چیمپئنز ٹرافی : بھارت نےبھی اپنےسکواڈ کا اعلان کر دیا

نئی دہلی ( مانیٹرنگ ڈیسک ) انٹرنیشنل کرکٹ کونسل (آئی سی سی) چیمپئنز ٹرافی کے لیے بھارت نے  آخر کار اپنے سکواڈ کا اعلان کر ہی  دیا۔

تفصیلات کے مطابق بھارتی ٹیم کے کپتان روہت شرما اور چیف سلیکٹر اجیت اگرکر نے پریس کانفرنس کے دوران سکواڈ کا اعلان کیا۔ چیمپئنز ٹرافی کے لیے بھارتی ٹیم کا روہت شرما کو کپتان اور شبمن گل کو نائب کپتان مقرر کیا گیا ہے۔جبکہ  سینئر کھلاڑی ویرات کوہلی،  شریاس ایئر، کے ایل راہول اور ہاردیک پانڈیا سکواڈ میں شامل ہیں۔

اکشر پٹیل، واشنگٹن سندر، کلدیپ یادیو، جسپریت بمراہ بھی سکواڈ کا حصہ ہیں۔اس کے علاوہ محمد شامی، ارشدیپ سنگھ، یشسوی جیسوال، رشبھ پنت اور رویندرا جڈیجا بھی سکواڈ میں شامل ہیں۔