جعفر آباد کے نجی سکول کے طلباء کے ساتھ زیادتی کا انکشاف، پرنسپل گرفتار 

جعفر آباد (ڈیلی پاکستان آن لائن)جعفرآباد میں نجی سکول کے طلباء کے ساتھ مبینہ  زیادتی کے الزام میں پرنسپل سمیت 2افراد کو گرفتار کر کے ہاسٹل اور سکول کو سیل کردیا گیا۔

ایس ایس پی جعفرآباد نے کہا کہ آج ایک بچے کے والد نے بچے کے  ہمراہ تھانہ ڈیرہ اللہ یار میں رپورٹ درج کروائی کہ سکول کے ہاسٹل میں بچے کو جنسی زیادتی کا نشانہ بنایا جاتاہے، بعد میں مزید 2 بچوں کے اقارب نے بھی تھانے آکر رپورٹ کروائی۔

پولیس کے مطابق ابتدائی تفتیش کے دوران سکول کا پرنسپل، اس کا بھائی اور وارڈن جنسی زیادتی میں ملوث پائے گئے ہیں، جبکہ 4 بچوں کی میڈیکل رپورٹ میں  زیادتی کی بھی تصد یق ہو گئی ہے۔پولیس کے مطابق 2 ملزمان پرنسپل اور وارڈن کو گرفتارکرلیا اور پرنسپل کے بھائی کی گرفتاری کیلئے چھاپے مارے جا رہے ہیں جبکہ ہاسٹل اور سکول کو سیل کردیا گیا ہے۔