سفیرپاکستان فیصل نیاز ترمذی کی سیف محمد السویدی، ڈائریکٹر جنرل، جنرل سول ایوی ایشن اتھارٹی سے الوداعی ملاقات

دبئی (طاہر منیر طاہر)  سفیرپاکستان فیصل نیاز ترمذی نے H.E  سیف محمد السویدی، ڈائریکٹر جنرل، جنرل سول ایوی ایشن اتھارٹی یو اے ای سے الوادعی ملاقات کی جس میں دونوں اطراف کے اعلیٰ حکام نے بھی شرکت کی۔ 
 متحدہ عرب امارات (یو اے ای) میں پاکستان کے سفیر فیصل نیاز ترمذی نے ڈائریکٹر جنرل، جنرل سول ایوی ایشن اتھارٹی یو اے ای  سیف محمد السویدی سے الوداعی ملاقات کی۔   متحدہ عرب امارات UAE کی جنرل سول ایوی ایشن اتھارٹی (GCAA) کے ڈائریکٹر جنرل سیف محمد السویدی نے ابوظہبی میں پاکستان اور متحدہ عرب امارات کے درمیان تاریخی اور برادرانہ تعلقات پر روشنی ڈالی، خاص طور پر ہوابازی کے شعبے میں تعاون کو مزید مضبوط کرنے کی وسیع صلاحیت پر زور دیا۔  انہوں نے دونوں ممالک کے درمیان فلائٹ آپریشنز کو بڑھانے کی اہمیت پر زور دیا جس سے باہمی فائدے حاصل ہوں گے اور تعاون کی نئی راہیں کھلیں گی۔
 سفیر فیصل نیاز ترمذی نے  سیف محمد السویدی کو خراج تحسین پیش کیا۔  انہوں  نے سول ایوی ایشن میں دوطرفہ تعاون کو فروغ دینے میں مسلسل تعاون پر  اپنے دور حکومت میں متحدہ عرب امارات کی قیادت اور عوام کی طرف سے گرمجوشی، فراخدلی اور تعاون کے لیے شکریہ ادا کیا۔