جنوبی وزیرستان میں بارودی مواد کا دھماکا
جنوبی وزیرستان(ڈیلی پاکستان آن لائن)جنوبی وزیرستان میں وانا بازارامن چوک کے قریب موٹرسائیکل میں نصب بارودی مواد کے دھماکے کے نتیجے میں ایک شخص جاں بحق ہو گیا۔
نجی ٹی وی چینل جیو نیوز کے مطابق جنوبی وزیرستان میں وانا بازارامن چوک کے قریب موٹرسائیکل میں نصب بارودی مواد کا دھماکاہوا ہے،بارودی مواد کے دھماکے میں ایک شخص جاں بحق جبکہ 4زخمی ہو گئے ،دھماکے کی اطلاع ملتے ہی پولیس اور ریسکیو ٹیمیں جائے وقوعہ پر پہنچ گئیں اور علاقے کو گھیرے میں لے کر امدادی کارروائیاں شروع کردیں۔
